“Shehu & Partners” u themelua nga Avokati Isuf Shehu dhe prej krijimit ka punuar me përkushtim për të pajisur klientët e saj, qofshin ato biznese apo individë, me zgjidhjen e duhur. Shërbimet të “Shehu & Partners” janë përditësuar me praktikat më të mira të menaxhimit për të siguruar nje shërbim optimal.
Firma drejtohet nga një ekip profesional dhe i motivuar avokatësh dhe ekspertësh të fushave të ndryshme te cilët gëzojnë një përvojë të gjerë dhe të pasur pune, ndërsa realizojnë një sinergji perfekte, bazuar te përpjekja e përbashkët për t’ju përgjigjur nevojave të çdo klienti. Firma ka përmbushur qëllimin e saj, falë qasjes së saj për zgjidhje të qëndrueshme dhe inovative; strukturimit në ekipe me madhësi optimale që ofrojnë shërbime kosto-efektive dhe me cilesi të lartë, dhe mëndësisë për të ndërtuar marrëdhënie të qëndrueshme dhe afatgjata me klientët.
Ekspertët dhe Avokatët disponojnë expertizë te lartë dhe profesionalizëm, dhe kanë si prioritet zgjidhjen efektive dhe të qëndrueshme të cdo situate. Ata kanë shërbyer ne kompanitë më të mëdha shqiptare dhe ndërkombëtare gjatë periudhës domethënëse të rritjes së tyre në Shqipëri. Kjo e bën përvojën e tyre një aset të çmuar dhe një garanci ndaj çdo pritshmërie nga ana e klientëve.
Shehu & Partners ka marrëdhenje partneriteti dhe bashkëpunon me një serë kompanish shërbimesh, të cilat operojnë në tregun shqiptar dhe ndërkombëtar duke garantuar një mbulim të plotë të të gjitha fushave të biznesit dhe të sipermarrjes. Por mbi të gjitha, Shehu & Partners mbetet një firmë ligjore dhe avokatie tejet fleksibel në shumë aspekte, pikërisht falë synimit për t’ju përgjigjur çdo lloj kërkese apo nevoje për shërbime ligjore në nivele të përballueshme duke e bërë atë një dritare të çmuar të ligjit për te gjithë subjektet e interesuar.
AVOKAT ISUF SHEHU
Themeluesi i Shehu & Partners
Vizioni ynë
Shehu & Partners angazhohet të ndihmoj klientët në realizimin e strategjive të tyre tregtare duke ofruar këshillim ligjor ekselent. Qëllimi i firmës është një: të bëhemi pikë referimi për shërbimet më të mira ligjore në Shqipëri. Duke përdorur burimet e firmës si edhe ekspertizën në sektorë të ndryshëm, avokatët tanë kanë si objektiv të jenë pjesë e pandashme në suksesin e bizneseve që përfaqësojnë. Firma Shehu & Partners synon të ndërtojë marrëdhënie afatgjata ortakërie, bazuar në ofrimin e zgjidhjeve më efikase të nevojave ligjore.
