Marrëveshje partneriteti, tregtie dhe bashkëpunimi ndërmjet Republikës së Shqipërisë dhe Britanisë së Madhe. Marrëdhëniet tregtare midis palëve vazhdojnë me të njëjtat kushte edhe pas daljes së Britanisë së Madhe nga BE-ja.

Ligji Nr. 31/2021 “Për ratifikimin e marrëveshjes së partneritetit, tregëtisë dhe bashkëpunimit ndërmjet Republikës së Shqipërisë, Mbretërisë së Bashkuar të Britanisë së Madhe dhe Irlandës së Veriut”.

Ligji Nr.31/2021 është botuar në Fletoren Zyrtare nr. 43, datë 18.03.2021, dhe ka hyrë në fuqi në datën 03.04.2021.

Duke qënë se Marrëveshja e Stabilizim –Asocimit midis Komuniteteve Evropiane dhe Shteteve Anëtare të tyre, nga njëra ana, dhe Republikës së Shqipërisë, nga ana tjetër e nënshkruar në Luksemburg, më 12 qershor 2006 do të pushojë së zbatuari për Mbretërinë e Bashkuar, palët kanë ratifikuar këtë Marrëveshje që ka si synim të ruajë marrëdhëniet midis palëve të krijuara nga Marrëveshja BE-Shqipëri.

Në vecanti, palët kanë rënë dakord të ruajnë kushtet preferenciale në lidhje me tregtinë midis Palëve, që rrjedh nga Marrëveshja BE-Shqipëri dhe të sigurojnë një platformë për liberalizimin e mëtejshëm të tregtisë ndërmjet Palëve. Palët kanë krijuar një bashkëpunim dhe një zonë të tregtisë të lirë të mallrave dhe rregullave shoqëruese, në përputhje me këtë marrëveshje dhe afirmojnë objektivate e Marrëveshjes BE-Shqipëri.